Pas deklaratave të ministres së Arsimit, Sportit dhe Rinisë, Evis Kushi mbi identifikimin dhe ndjekjen nga shërbimi psikosocial të fëmijëve pjesëmarrës në protestat për vdekjen e 25-vjeçarit, Klodian Rasha, aktivistët e Lëvizjes për Universitetin kërkuan dorëheqjen e saj.
Këta të fundit, nëpërmjet një njoftimi në rrjete sociale shprehen se nesër në orën 11 do të mbajnë një ‘protestë’ te Ministria e Arsimit, lidhur me qëndrimet e tyre për dorëheqjen e ministres Kushi.
“Ministrja Kushi duhet të shqetësohej për fëmijët dhe mësuesit që përdoren për fushata elektorale dhe propaganda mediatike, si edhe për raportet e Bankës Botërore, ku gjysma e 15-vjeçarëve në Shqipëri janë analfabetë funksionalë për shkak të hendekut të madh të pabarazisë sociale,” ,” tha Lëvizja për Universitetin në një deklaratë për shtyp një ditë më parë.
Njoftimi
Përshendetje sërish!
Nesër Lëvizja për Universitetin do të mbajë një aksion tek Ministria e Arsimit lidhur me qëndrimet tona për dorëheqjen e ministres Evis Kushi.
Shihemi atje në orën 11:00 👋
