Një përplasje fizike ka ndodhur sot mes aktivistëve të Lëvizjes për Universitetin dhe studentëve. Incidenti i rëndë ka ndodhur në mjediset e Fakultetit Ekonomik, ku Lëvizja për Universitetin, kishte njoftuar një tryezë në kuadër të organizimit të protestës së 4 dhjetorit.
Sikundër raportohet, shkak për incidentin ka qenë fakti se studentët nuk kanë pranuar që të përfaqësohen ose drejtohen nga Lëvizja për Universitetin në protestën që pritet të nisë dy javë më pas.
Studenti i dhunuar është Andi varrosi, i njohur si një nga drejtuesit e protestave të studentëve në dhjetor të vitit të kaluar, protesta që tronditën qeverinë.
Raportohet se dhunuesit pas incidentit janë larguar të pashqetësuar, ndërsa Lëvizja për Universitetin, konsiderohet nga studentët si një organizatë me bindje ekstreme të majta, që pas saj mund të qëndroje edhe Kryebashkiaku Erjon Veliaj.
Dyshime lidhur me këtë ka pasur edhe 1 vit më parë, kur nisi Lëvizja Studentore.
Ndërkohë Lëvizja për Universitetin në një reagim të sajin i cilëson provokatorë studentët që nuk i binden apo nuk pranojnë që protesta e 4 dhjetorit të drejtohet nga kjo lëvizje.
