Deputeti Lefter Maliqi ka qenë sot i ftuar në studion e Fax news, ku ka ngritur alarmin për gjendjen në të cilën ndodhet vendi, nën qeverisjen e Edi Ramës, që sipas tij po tenton që të marrë të gjitha pushtetet.
Maliqi shprehet se kriza në të cilën ndodhet sot vendi është me e keqe se ajo e viteve ’97, ndërsa deklaron se në Kuvend ka deputetë të paarsimuar.
“Vendi është në një krizë të thellë, më keq se në vitin 1997. Ky kryeministër dihet tashmë që është i lidhur me oligarkët dhe me banditët. Në Tiranë të merret fryma nga gradaçelat e ndërtuara, i kemi parë dy rastet e kryebashkakëve të korruptuar, që dolën si pasojë e ligjit të dekriminalizimit, ka dhe të tjerë që pritet të denoncohen.
Në Shqipëri demokracia ka marrë fund nga viti 2008 e mbrapa. Kemi burgje të mbushura me fukarenj, dhe kuvendin e mbushur nga persona të lidhur me krimin.
Janë 4-5 deputetë nga ana e mazhorancës që kanë qenë bashkëpunëtor me sigurimin e shytteit, ka deputetë që nuk dinë as të lexojnë, dhe që kanë blerë shkolla pas vitit 1990, dhe janë sot ende në Kuvend.
Ligji për Gjykatën Kushtetuese e thotë prerë që 3 kandidatë propozohen nga Kuvendi, tre nga presidenti dhe 3 nga Gjykata e Lartë, ndërsa tani këta po tentojnë që presidentit ti marrin kompetencat”, u shpreh Maliqi.
Deputeti foli dhe për mundësinë e shpërndarjes së Kuvendit nga ana e Metës, ku u shpreh se në rast se kjo do të ndodhte do të ishte një ditë feste për të gjithë. Sipas Maliqit sa kohë që në Kuvend nuk ka 140 deputetë, atëherë presidentit i lind e drejta që ta shpërndajë atë.
“Unë kam qenë i pari që kam kërkuar që të shpërndahet Kuvendi, që prej ditës së parë që kam hyrë në Kuvend. Zoti Meta dje nuk ishte përballë Fevziut, por ishte përballë popullit, mesazhet e Metës ishin të qarta dhe për referendum.
Sot do të ishte një festë e madhe në rast se Kuvendi do të shpërndahej, aty nuk ka më opozitë të re, dhe ta shpërndajë Kuvendin, ky nuk pyet për dekretet e presidentit. Për këtë njeri duhet të ngrihet një komision mjekësor, të shikohen njerëzit që zgjidhen në detyra shtetërore, nëse janë të aftë apo jo që të qeverisin.
Aty në Parlament është bërë si Portokalli, gjë të cilën e ka shkaktuar ndryshimi i sistemit politik. Meta për mendimin tim do të hynte në histori në rast se do të shpërndante Kuvendin, unë mendoj se herët ose vonë presidenti do ta marrë vendimin për të shkrirë Kuvendin. Nuk mund të qeveriset vendi nga më pak se 140 deputetë. Ky parlament po voton çdo ligj që kërkon Rama”, tha Maliqi.
Ndërkohë që nuk mungoi as një koment i Maliqit, në drejtim të Arta Vorpsit e cila u betua përpara noteres.
“Gjyqtarja nuk shkoi me mendjen e saj që të bënte betimin e noteres, shkoi atje që të përulte imazhin e presidentit, duke thënë se nuk dontë që të betohej përpara tij”, u shpreh Maliqi, ndërsa e cilësoi Ramën një ‘shejtan budalla’.
Maliqi foli dhe për rastin e kërcënimeve që Rama i bëri prokurorit Ndoja, që sipas tij ishte një rast i paparë ndonjëherë në historinë e kombit shqiptar.
“Opozita duhet të jetë në ballë, të mbronte banorët e Astirit dhe të mos i linte aty të vetmuar, nuk duhet të kisht gaz lotsjellës që ti ndalte”, deklaroi më tej deputeti.
