50 mijë € për të nxjerrë nga burgu të dënuarin, arrestohet “juristja” (DETAJE)

Një 33-vjeçare është arrestuar nga policia këtë mesditë pasi akuzohet për mashtrim me pasoja të rënda. Pas hetimeve të Prokurorisë, ajo hiqej si juriste në Gjykatën e Lartë dhe se përmes njohjeve të saj, do të ndikonte në trupën gjykuese të Apelit për Krime të Rënda dhe të Lartën, që të nxirte nga burgu një të dënuar me 30 vite burg, kundrejt një shume parash prej 50 mijë €.

Operacioni policor i koduar “Bënça”, i ndjekur prej një viti me metoda proaktive, arrestoi me vendim gjykate ‘arerst me burg’ dhënë në mungesë më 13 nëntor 2019, 33-vjeçaren Amarilda Leka, lindur në Përmet dhe banuese në Tiranë.

***

Por kush është Amarilda Leka dhe e shkuara e saj?! 

Kjo nuk është hera e parë që Amerilda Leka mashtron njerëzit. Në vitin 2015 ajo është arrestuar sërish për një rrethanë të ngjashme. Amarilda Leka u kishte marrë lekë familjarëve të të burgosurve me premtimin se do të ndikonte tek gjyqtarët e prokurorët për lirimin e tyre. Në vitin 2015 ajo i mori 25 mijë e 500 euro vëllait të një të arrestuari me premtimin se do të ndikonte tek një gjyqtar për të liruar nga burgu Xhorxh Gjoka të kapur me drogë.

Këto para sipas prokurorisë, ajo i shpenzonte për jetë luksi pasi asgjë nuk ndryshonte nga vendimi i gjyqtarëve. Sipas organit të akuzës Leka nuk ka folur me asnjë gjyqtar por ka marrë eurot dhe ka humbur kontaktet.  Në këtë e pandehura Leka prezantohej si nusja e djalit të ish-ministrit të Mbrojtjes.

Njoftimi i Policisë

Finalizohet operacioni policor “Bënça”, i ndjekur prej një viti me metoda proaktive. Operacioni nga Drejtoria Hetimore Qendrore në Departamentin e Policisë Kriminale, në bashkëpunim të ngushtë me Prokurorinë  e Rrethit Gjyqësor Tiranë dhe Drejtorinë Vendore të Policisë Tiranë.

LEXO EDHE  "Omicron", Alimehmeti: S´kuptoj shqetësimin nga OBSH, ka vetëm 156 raste...

Drejtoria Hetimore Qendrore në Departamentin e Policisë Kriminale, në bashkëpunim me DVP Tiranë, në kuadër të operacionit policor të koduar “Bënça” bëri ekzekutimin e vendimit Nr. 2541, datë  13.11.2019 të Gjykatës së Shkallës së Parë Tiranë, e cila ka vendosur masën e sigurisë personale “Arrest në burg” për shtetasen:

A. L., 36 vjeçe, lindur në Permet dhe banuese në Tiranë.

Në ngarkim të kësaj shtetaseje, Njësia Hetimore Qëndrore përcolli në Prokurorinë e Tiranës materiale hetimore dhe Prokuroria pranë Gjykatës së Shkallës së Parë Tiranë, në bazë të materialeve të referuara regjistroi procedimin penal, për veprën penale “Mashtrimi me pasoja të renda”.

Pas gati një vit hetimesh proaktive u bë i mundur dokumentimi me prova ligjore i veprimtarisë kriminale të ushtruar nga kjo shtetase.

Kjo shtetase ka mashtruar shtetasin B. Z., me banim në Tepelenë, duke i marrë 50 000 euro, me pretendimin se ishte juriste pranë Gjykatës së Lartë Tiranë dhe me njohjet që ajo kishte do të ndikonte pranë trupës gjykuese në Gjykatën e Apelit për Krimet e Rënda Tiranë dhe në Gjykatën e Lartë pët të nxjerrë nga burgu shtetasin A. M., i dënuar me 30 vjet heqje lirie, për një vrasje në rrethana rënduese që kishte kryer në Memaliaj, në vitin 2015, i cili është duke vuajtur dënimin në IEVP Bënçë, në Tepelenë. Materialet shtesë i kaluan Prokurorisë së Rrethit Gjyqësor Tiranë.