Një 47-vjeçar shqiptar është arrestuar nga policia italiane, pasi akuzohet për trafik kokaine. Sipas informacioneve paraprake, ai ishte i njohur edhe më parë për krime kundër pasurisë. Shqiptari akuzohet se gjatë periudhës 2015-2018 ka furnizuar me lëndë narkotike të llojit kokainë, zonën e Perugias dhe periferitë e vendit, raportojnë mediat fqinje.
Sipas hetimeve të para, 47-vjeçari mund të ketë fituar shuma të mëdha parash pasi një konsumues kokaine përdorte shpesh lëndën narkotike që ofrohej prej tij.
Deri më tani është arritur të dokumentohen disa qindra transferime të dozave të kokainës, të cilat duke u shitur në treg do të jepnin fitime, në jo më pak se 60 mijë euro.
