Përplasja për Kushtetuesen/ Meta: Nuk ka budalla që se kupton lojën e KED, përveç ndërkombëtarëve

Presidenti i vendit Ilir Meta në konferencë për shtyp lidhur me dekretimet për Gjykatën Kushtetuese.

Në nisje të fjalës së tij, Meta tha se ka firmosur dekretin për emrin e Marsida Xhaferrllari si gjyqtare në Gjykatën Kushtetuese si dhe procedurën.

“Nuk ka një afat të caktuar në Kushtetute për Presidentin e Republikës. Ka afat për Kuvendin. Çdo veprim i presidentit aktual është një veprim që mbetet si precedent për presidentet e ardhshëm. E njëjta gjë edhe për Kuvendin. KED është një institucion i cili merret vetëm me menaxhimin administrative për të garantuar zbatimin e Kushtetutës për krijimin e GJK. Kushtetuta tregon qartë sesi krijohet GJ.K.. Ajo e thotë qartë se Presidenti ka të drejtën i pari, pastaj Kuvendi dhe me këtë plan në këtë aspekt është detyra e KED të rregulloj listën e kritereve që të respektohet kushtetuta. Të respektohet ligji për gjykatën Kushtetuese dhe të mos kemi përplasje midis institucioneve”, tha Meta.

“Dhe nuk është e kundërta që KED që është institucion kolegjial, akoma më keq kryetari i KED të bëjnë lojëra të karakterit administrative të vendos vetëm për kohën në mënyrë të tillë tepër të dyshimtë për të mos thënë mafioze që të vendos presidentin në këtë pozitë, që të shkeli detyrimisht Kushtetutën e Republikës së Shqipërisë, e cila thotë qartë që Presidenti plotësin vakancën e parë pastaj është Parlamenti dhe pastaj parlamenti me të drejtë do ta anatemonte presidentin si shkelës të Kushtetutës dhe përzgjedhjen e tij si antikushtetuese. Ose me interpretime absurd si ato të sotmet ku thuhet se i ka mbaruar afati presidentit. Kjo është absurd. Në raport ju do shihni qartë të gjitha aspektet dhe marrëdhëniet e presidentit me KED. Nuk a mbetur budalla në këmbë pa e kuptuar këtu lojën e KED përvecëse ndërkombëtarëve që kanë mbyllur veshët dhe sytë. Kemi shprehur qëndrimet tona në të gjitha mbledhjet e KED por që nuk janë zbardhur ende. I është kërkuar KED në kohë që të marrë masat që të mos vijmë në një situatë të tillë. Të garantojë listat që për çdo vakancë të kemi tre kandidatë në mënyrë që të kemi mundësi përzgjedhje”, shtoi kreu i shtetit.

Meta: Kryetari i KED u përdor qëllimisht nga persona të caktuar brenda mazhorancës

LEXO EDHE  Covid 19/ OBSH hyn në bisedime me Rusinë për vaksinën