Mbi 25 deputetë të asaj të konsiderohet si “opozita e re”, që drejtohen nga Myslym Murrizi, Rudina Hajdari apo Ralf Gjoni, bashkuan sot votat me deputetët e Rilindjes, për të votuar zgjedhjen e dy anëtarëve të rinj të Gjykatës Kushtetuese.
Pavarësisht deklaratave publike, veçanërisht nga Hajdari, e cila zgjodhi të bëjë përgjegjëse si Partinë Socialiste ashtu edhe Presidentin për përplasjen e krijuar lidhur me zgjedhjen anëtarëve të rinj të Kushtetueses, procesi i votimit nxori në pah marrëveshjen e fshehtë mes ligjvënësve.
Hajdari kërkoi pushim dhe dialog me Presidentin, Rilindja iu përgjigj me ndërprerjen e seancës dhe zhvillimin e një mbledhjeje urgjente të grupit parlamentar.
Pas disa minutash seanca rinisi, dhe deputetët votuan në mënyrë të fshehtë elektronikisht për kandidatet e propozuara nga KED.
Në përfundim secila nga kandidaturat mori 105 vota pro, në një kohë kur Rilindja në zgjedhjet e fundit mori 74 mandate, dhe bashkë me ato të PSD dhe PDIU-së, shkon në 78 mandate.
Kjo do të thotë se 27 deputetë të “opozitës së re” kanë votuar në mënyrë të fshehtë pro emrave të propozuar.
Më konkretisht, Elsa Toska ka marrë votat e 105 deputetëve të pranishëm në Parlament, 2 vota kundër dhe 9 vota abstenim.
Ndërsa anëtarja e re është zgjedhur Fjona Papajorgji, edhe kjo mbeti alternativa e vetme në listën e Kuvendit.
Papajorgji mori 105 vota pro, 3 kundër dhe 8 vota abstenim.