Të shtunën rreth orës 02:00 të mëngjesit, katër persona kanë mbetur të plagosur si pasojë e një konflikti të armatosur në një klub nate në Prishtinë.
Media përmes burimeve të sigurta mëson se personi i dyshuar për këtë rast ende nuk është arrestuar edhe pse është i njohur për autoritetet.
Sipas burimeve, Astrit Mehmeti, 47 vjeç, i njohur me nofkën “Llepota”, është i dyshuar për plagosjen e katër rojeve të klubit të natës “Duplex” në Prishtinë.
Astrit Mehmeti, i cili është emër i njohur për Policinë e Kosovës, dyshohet ka hapur zjarr ndaj katër rojeve të sigurimit të klubit të natës që ndodhet në qendër të Prishtinës, teksa ka qenë i shoqëruar nga Kushtrim Krasniqi dhe Andi Pajaziti, raporton Express.
Të dy shoqëruesit e tij, po ashtu, kanë qenë të armatosur.
Siç dëshmon një video ekskluzive e siguruar nga Insajderi, grupi i Astrit Mehmetit dhe rojet e sigurimit të “Duplex” kanë shkëmbyer të shtëna me armë zjarri në hyrje të klubit të natës.
