Juventus ka rimarrë sërish kreun e Seria A, pas fitores së mbrëmshme përballë Milanit, me rezultatin 1-0.
Gjatë pjesës së parë Milani u shfaq më i rrezikshëm, duke iu afruar golit me Piaktek dhe Benacer.
Edhe gjatë pjesës së dytë Milani u shfaq më aktiv, duke ushtruar presion, por më pas Paulo Dybala që u inkuadrua në fushën e lojës në minutën e 55-të, duke marrë vendin e Cristiano Ronaldos, shënoi golin e parë dhe të vetëm të sfidës në minutën e 77-të.
Në minutat e mbetura, Juventus kontrolloi ndeshjen duke marrë tre pikët që e çojnë sërish skuadrën në kryesimin e kampionatit, ndërsa Milani me këtë humbje gjendet në vendin e 14-të, me vetëm 13 pikë të grumbulluara.
