Një organizatë e trafikut të drogës nga Belgjika e Holanda drejt Italisë u shkatërrua nga policia italiane, ndërsa u arrestuan disa shqiptarë.
Droga transportohej me automjete të modifikuara, në të cilat ishin krijuar vende për të fshehur drogën.
Referuar mediave, droga shpërndahej në provincat e Brescia, Bergamo, Ferrara, Venecia, Bolzano, Monza Brianza, Alessandria dhe Varese.
Në rreth dy muaj, policia sekuestroi 11 kg kokainë, 1 kg marihuanë dhe rreth 50 mijë euro para të gatshme.
Në krye të strukturës ishin dy vëllezër shqiptarë të moshës 27 dhe 25 vjeç, të dy të pa dënuar më parë me banim në Fiesole, nga ku kishin ngritur bazën logjistike dhe qendrën e klasifikimit të ngarkesave të drogës që lëviznin drejt Italisë veriore në Toscana.
Hetimet nisën pas sekuestrimit të 500 gramë kokainë qershorin e kaluar 2019.
