Kreu demokrat Lulzim Basha ka komentuar nga Korça arrestimin e një të dyshuari, Redjan Rraja, i afërm i deputetit socialist Rrahman Rraja, lidhur me atentatin ndaj prokurorit Arjan Ndoja.
Basha tha se i arrestuari është pjesë e bandave të pushtetit, duke shtuar se kjo është një luftë bandash për të grabitur sa më shumë.
“Unë po vi nga Tirana, kur siç e keni ndjekur sot prodhoi edhe një tjetër skandal. Është zbuluar autori, ose një nga autorët që ka qenë pjesë e atentatit mafioz ndaj prokurorit Arjan Ndoja, që është pjesë e bandave të pushtetit, në një luftë bandash që luftojnë për të grabitur më shumë.
Ky është një lajm shumë i rëndë. Lajme të tilla nuk i bën mirë gjendjes së vendit që është i depresuar, por më gjithë këtë gjendje që zotëron kudo vijmë në një sallë si kjo, në këtë takim të dytin tim që e nisa mbrëmë në Elbasan dhe sot në Korcë, dhe sado të hidhura të jena lajme, ka një shpresë dhe këtë mjafton ta shikojmë në sytë tuaj.
Dhe jo më kot kam zgjedhur ta nis këtë rrugë me ju sepse ju jeni faktori që do të nxirrini Shqipërinë nga kriza. Ju do të jeni përfituesi i parë që do ta bëni Shqipërinë si gjithë Evropa”, tha Basha.
