Kryetari i PD-së, Lulzim Basha i është përgjigjur kryeministrit Edi Rama.
Në një deklaratë për mediat nga selia blu, Basha kërkoi dorëheqjen e Ramës, pas dështimit me negociatat. Rama, në një prononcim për gazetarët, përjashtoi se do të jepte dorëheqjen.
Më pas, në një përgjigje të dytë në Facebook, Rama publikoi një fotomontazh të Tusk dhe Kreut të PD-së, Lulzim Basha.
Në reagimin e tij, Basha shprehet: “Mjaft me shfajësime personale dhe fajësimin e të tjerëve z. Rama. Të gjithë janë lodhur me justifikimet e tua për dështimet e tua, gjithmonë duke mbrojtur veten, kurrë popullin tënd, asnjëherë gati të pranosh përgjegjësinë tënde. Fakti është, Europa të ka refuzuar. Ti ke dështuar”.
“Kujt do t’ja hedhësh fajin për dështimin me shëndetësinë?Për ekonominë e shkatërruar?Kujt do t’ja hedhësh fajin për qeverinë tënde të korruptuar? Ka ardhur koha të pranosh përgjegjësitë për dështimet e tua.Është mbushur kupa. Europa të ka refuzuar, dhe shqiptarët do të refuzojnë”, shprehet më tej në një reagim në Twitter.
