Deputeti Lefter Maliqi ka reaguar pas lajmit të raportuar nga ANSA, se Zoran Zaev ka dhënë dorëheqjen nga posti i kryeministrit në Maqedoninë e Veriut, pas dështimin me hapjen e negociatave.
Maliqi shprehet se kryeministri Edi Rama nuk do të ndjekë të njëjtën rrugë. Rama, thotë Maliqi, nuk e lë karrigen, ndërsa shton se duhet “populli, opozita, shoqëria civile, socialistët e shumtë duhet te ngrihen ne këmbë”, për të kërkuar largimin e tij.
“Jep dorëheqjen Kryeministri i Maqedonisë pas vendimit negativ të Brukselit për mos hapjen e negociatave ne BE. Mos shpresoni se do japë dorëheqjen kalorësi dështak i Rilindjes. Edi Mavrija nuk ikën, karrigia e tij është më e shtrenjtë se interesat e popullit, ligësia, babëzia e tij nuk mbaron kurrë. I korruptuari, i paafti, i sëmuri pas pushtetit personal duhet rrëzuar. Duhet vendim i menjëhershëm. Populli, opozita, shoqëria civile, socialistët e shumtë duhet të ngrihen në këmbë”, shkruan Maliqi në një postim në Facebook.
