Rezultatet e sondazhit/ Rama humbet zgjedhjet, ja diferencat mes 3 partive kryesore

Nëse zgjedhjet do të zhvilloheshin sot, 29 maj, orientimi i votës së shqiptarëve është në krahun e opozitës, PD-LSI.

Por si forcë politike orientimi i votës është majtas. Këto janë të paktën të dhënat e sondazhit të IPR Marketing, të publikuar në studionin e emisionit “Tempora”.

Orientimi i votës në 29 maj për PS është 44.5%, krahasuar me 44% me orientimin e votës në 3 prill.

Ndërsa në vitin 2017, për zgjedhjet e përgjithshme orientimi i votës për PS ishte 48.3%.

Orientimi i votës në 29 maj për PD është 38.5%, me një rënie prej 0.5% nga sondazhi i 3 prillit, ku PD kishte 39%.

LEXO EDHE  Meta: Po vdesin njerëz nga keqmenaxhimi katastrofik i situatës së Covid nga qeveria

Ndërsa në vitin 2017 orientimi i votës për PD ishte 28.9%.

Orientimi i votës së shqiptarëve për LSI nëse zgjedhjet do të mbaheshin sot (29 maj) është 13%, me një rënie krahasuar me sondazhin e 3 prillit dhe me sondazhin e 2017 për zgjedhjet e përgjithshme.

Forca më e re politike, Bindja Demokratike ka arritur të fitojë zemrat e 2 % të shqiptarëve. Po ashtu 2% e shqiptarëve kanë thënë se do votojnë për parti të tjera.