Arben Malaj, ish-deputet i PS-së, ka preferuar të përdorë një batutë në rastin e Bashkisë së Tiranës, duke e krahasuar me Suden, njërën prej firmave piramidale në Shqipëri mbi 22 vjet më parë.
Malaj tha se në një shtet ku thuhet se nuk e ndryshojmë dot sistemin, dhe qytetarët detyrohen të paguajnë sepse ai punonjësi atje nuk fut duart në sistem, ky është një nga momentet që qytetarët ndjehen të braktisur.
“Sot kemi një qeverisje të kapur nga konçensionet, nga tenderat pa garë. E dini ju sa gjoba paguajnë shqiptarët vetëm e vetëm se të thonë e ke emrin në sistem dhe nuk mund të ndërhyhet? E dini ju që Bashkia e Tiranës e ka përqindjen më të lartë se Sudja, 2 %”, tha Malaj.
