Ish-deputeti dhe ish-ministri i Financave në kohën e qeverisë së socialistëve, Arben Malaj, ka postuar në rrjetin social një dokument përmes të cilit tregohet kërkesa që vëllai i tij i ka drejtuar kryebashkiakut Erjon Veliaj për zhvillimin e një prone.
Një ditë më parë Veliaj akuzoi Malajn se ai dhe vëllai i tij i kishin kërkuar leje ndërtimi në një zonë të cilësuar tokë bujqësore, gjë që ligjërisht nuk lejohet. Kjo sipas Veliajt, shpjegon arsyen sepse Malaj e akuzon dhe sulmon në media.
Por në një postim në rrjet, Malaj shkruan se transparenca është aleati më i mirë kundër shpifësve, arrogantëve dhe të babëziturve.
Postimi i Arben Malaj
TRANSPARENCA ESHTE ALEATI ME i MIRE KUNDER SHPIFESVE, ARROGANTEVE DHE TE BABEZITURVE. Ne detyrim mirenjohes te kolegeve dhe miqve te mi, kjo eshte letra zyrtare e vellait tim drejtuar Veliajt. Ai nuk i ka kerkuar kurre leje per pallate.
I ka kerkuar fillimisht leje per shtepi druri per perdorim personal dhe ne nje kohe te dyte kur te rishikohet plani rregulles i territorit, Bashkia te mbaj parasysh kerkesen e rreth 30 emigranteve qe kane toka ne kete zone te cilet nuk kerkojne per te ndertuar asnje cm me shume se koeficenti zones.
Kerkesa u incua nga debati per zhvendosjen e Lanes, ku Kryeministri qartësoi publikisht se planet rregulluese kanë fuqi orientues edhe pushteti vendor mund t`I përshtasë ato në shërbim të banorëve dhe investitorëve potencialë.
Prandaj kërkoj:
(i) lejimin e vendosjes së ndërtimeve provizore në pronësinë time, në përputhje me kufizimet strikte të parashikuara për këtë zonë, deri në ndryshimin e destinacionit të tokës dhe lejimit të ndërtimeve të përhershme
(ii) Ndryshimin e zërit kadastral të sipërfaqes prej 3000 m2, në pronësinë time, nga “Ullishte” në zërin kadastral “Truall”, me qëllim dhënien e mundësisë për ndërtimin e objekteve të paluajtshme, sipas koefiçientit të vendosur në zonën ku ndodhet kjo pronë. Kerkesa perfundon me : Banorët e zones besojnë shumë në integritetin Tuaj se kjo zone nuk do të lejohet të zhvillohet për interesa abusive të investitorëve aktualë apo potencialë në këtë pjesë të Tiranës.
