Rama flet për kandidatët/ Ja emrat e kryebashkiakëve që veçon dhe…

Kryeministri Edi Rama ka folur për kandidatët që janë propozuar nga PS për zgjedhjet vendore të 30 qershorit 2019.

Rama ka veçuar kandidaturat e Valdrin Pjetrit dhe Safet Gjici, përkatësisht në Shkodër dhe Kukës, duke shprehur kënaqësinë që ato janë përzgjedhur.

“Jam i kënaqur me kandidatin tonë në Shkodër. Po kështu në Kukës kemi përzgjedhur një administrator të mirënjohur dhe të suksesshëm.

Në Durrës kemi kandiduar një zonjë, që ka drejtuar Tatimet, që është diplomuar për ekonomik.

LEXO EDHE  Misteri për vrasjen e Presidentit të vetëshpallur të Çamërisë/ Nga njoftimi i vdekjes te dyshimi se…

Finalizuam një ekip të mirë, që do të sjellin ndryshimin edhe në zonat që kanë mbetur të prapambetura për njëmijë e një arsye.

Kemi bërë zgjedhjen e duhur edhe për Devollin, një bashki tradicionalisht djathtas, por që ka ende resurse të pashfrytëzuara”, tha Rama.

Sipas tij, më 30 qershor janë rikandiduar kryebashkiakut që kanë punuar mirë, duke shtuar se kandidatët e propozuar meritojnë mbështetjen me votë të qytetarëve.