Kryetarja e LSI-së, Monika Kryemadhi, ka artikuluar akuza të forta ndaj kryeministrit Edi Rama dhe diplomatëve shqiptarë nëpër botë.
Ajo e cilësoi Ramën jo qesharak, por të rrezikshëm, ndërsa paralajmëroi se opozita është e vendosur deri në largimin e kryeministrit.
“Rama nuk është qesharak, por është i rrezikshëm për shqiptarët. Këtë fakt i përpiqet ta mbulojë me shfaqjen si qesharak.
Nuk ka teatër nga opozita sepse ka djegur mandatet. Më 16 shkurt kam thënë unë, se njerëzit do të dalin në protestë dhe kam thënë: “O ai, o ne””, u shprej Kryemadhi.
Në vijim të akuzave ndaj Ramës, Kryemadhi theksoi se ai është një kriminel i strukturuar në mënyrë direkte.
“Kemi një kriminel me ambasadorë që janë vendosur në shërbim të tij. Ambasadat shqiptare në Europë, shkojnë dhe vulën e përdorin për të shantazhuar gazetarët për të mos shkruajtur kundër qeverisë.
Kam prova të presionit të diplomatëve shqiptarë në Austri, Francë e shumë vende të tjera. Nëse del Edi Rama dhe thotë që kjo është e vërtetë dhe nxjerr prova, unë do i nxjerr faktet për këtë që them”, tha Kryemadhi.
DENONCO