Partia Socialiste duket se do të rikandidojë Gëzim Topçiun për mandatin e 6 në krye të bashkisë së Maliqit.
Topçiu prej 19 vitesh drejton bashkinë e Maliqit dhe nëse fiton edhe në zgjedhjet e ardhshme lokale, mund të hyjë në histori me 23 vitet në drejtimin e një njësie të qeverisjes vendore, pavarësisht rëndësisë që ajo ka.
Kolegët e tij socialistë, Qazim Sejdini dhe Vangjush Dako, nuk do të rikandidohen. Ata ishin ndër kryebashkiakët që do të synonin mandatin e 4, por sërisht mbeten larg Topçiut që po vendos një rekord që vështirë që mund të arrihet nga të zgjedhurit vendorë.
