Opozita kërkon të hedhë në erë zgjedhjet, e kuptoni se sa e rëndë është kjo. Ne kemi mbështetjen e partnerëve, pasi ato shohin se ne kemi përballë forca destruktive. Ata duan të hedhin në erë Shqipërinë, duan të hedhin në erë të ardhmen tonë. Kështu tha Elisa Spiropali, ministre e Shtetit në qeverinë Rama, në studion e Tempora.
Spiropali tha se opozita duhet të kthehet në sistemin tonë të përbashkët.
“Ata kanë frikë nga drejtësia, e kishin në dorë drejtësinë ato. Ata kanë frikë të madhe nga zgjedhjet. Lulzim Basha filloi historinë me vjedhjen e zgjedhjeve se pati probleme brenda partisë së tij, ai ka 220 mijë vota mangët”, tha Spiropali.
Ai theksoi se përgjimet janë në prokurori dhe s’ka asnjë funksionar të PS të përfshirë në këtë çështje.
“Prokurorët janë gazetarë, ju bëni pretencën”, iu drejtua Spiropali drejtueses së emisionit, Sonila Meço.
Gazetarja e pyeti Spiropalin sepse nuk janë pyetur ata që përfshihen në përgjimet e prokurorisë lidhur me krimin elektoral, ndërsa ministrja tha “nuk e di fare, po unë s’mund të duroj gazetarë që dalin këmbë mbi këmbë në studio dhe japin pretencat. Ne nuk jemi kaq naivë, madje në Itali është diskutuar shit-blerja e votës”.
