Një prej ushtarakëve shqiptarë, që mbeti i plagosur, si pasojë e shpërthimit të një mine, ndodhet në reanimacion, pas operacionit që iu nënshtrua.
Kështu raporton “Delfi”, media letoneze, lidhur me incidentin e rëndë të ndodhur në Letoni, ku ushtarkja shqiptare Zarife Hasanaj humbi jetën, ndërsa dy kolegë të saj po shqiptarë, mbetën të plagosur.
Lajmi e konfirmon edhe Komandanti i Forcave të Armatosura Letoneze, Leonid Kalninsh.
Ai informon se incidenti ndodhi rreth orës 9.30 të mëngjesit, ku e plagosur rëndë fillimisht mbeti ushtarakja shqiptare Zarife Hasanaj, e cila humbi jetën një orë më pas në spital.
Aktualisht të gjitha aktivitetet në bazë janë pezulluar deri në hetimin e plotë të ngjarjes.
