Deklarata e fortë/ “Duhet ndryshim sistemi, paratë që fitohen nga tenderat shkojnë për blerje votash”

Eksperti i ekonomisë, Pano Soko, aktivist i shoqërisë civile, tha mbrëmjen e sotme se kemi që në 1992 që përpiqemi të hyjmë në Europë, dhe po vjen 2020 që ne nuk kemi hapur as negociatat me BE.

“Kemi vendosur që të marrim në dorë fatet tona, janë qytetarët që do të marrin në dorë fatet e veta. Ne jemi një lëvizje, madje jemi lëvizje e qytetarëve të inatosur”, tha Soko në emisionin ‘Tempora”.

Ai shtoi se kanë kaluar 30 vjet dhe është djegur një brez i tërë, duke shtruar pyetjen edhe sa kohë duhet të presim.

Ndërkohë Eva Pango vurin theksin në ndryshimin e sistemit.

“Duhet të ndryshohet sistemi, pasi nuk mund të vazhdohet më me këtë situatë”, tha Pango, eksperte e shkencave politike.

Pano Soko tha se çmimi i energjisë elektrike u rrit pasi këtyre iu duheshin lekë për të bërë ca tendera, për të fituar ca para, që më pas përdoren për të blerë vota.

LEXO EDHE  SPAK kërkon sekuestron e pasurisë së rrëmbyesve të Jani Prengës dhe makinën e blinduar të Lulzim Berishës

“Llogjika që ecin këta është që bëjmë ca para sot, që të blejmë ca vota nesër, që të fitojmë nesër dhe të bëjmë ca lekë pasnesër”, tha Sako, duke shtuar se sot jemi në pikën kur sistemi është i kryetarokracisë, pasi janë vetëm kryetarët që kanë gjithçka në dorë.

“Ne kërkojmë vetëm një gjë që vota dhe zgjedhja t’i takojë vetëm qytetarit. Pra nëse gomari vendoset i pari në listë ai bëhet deputet, pra mënyra sesi është ndërtuar sistemi e vendos emërimin e deputetëve nga kryetari, pra nuk zgjidhen”, tha Soko.

Sipas tij, sot ke rrugë që shkojnë 20 milionë euro kilometri, kush do të merrte guximin të firmoste nëse s’do të ishte ky sistem.

“E dini ju që në Shqipëri njerëzit nuk bëjnë dot një referendum, sepse nuk e lejon Kushtetuta e 2008-ës”, tha Soko.