Tahiri drejt marrjes së mandatit, arrin në 114 numri i deputetëve në Kuvend…

Numri i deputetëve në Kuvend ka arritur në 114, ku 35 prej tyre i përkasin asaj që quhet “opozita e re”.

Pas dorëzimit të mandateve nga deputetët e PD dhe LSI, ka nisur plotësimi i vakancës parlamentare, ndërsa prurjet e reja, nga listat shumëemërore të dy partive kryesore në opozitë, kanë marrë mandatet dhe po dorëzojnë formularët e dekriminalizimit.

Së fundmi raportohet se pjesë e Kuvendit do të jetë edhe Koçi Tahiri, 70-vjeçari, që drejton partinë Demokracia e Re Europiane.

LEXO EDHE  Rama të lërë show-n, të shpallë gjendjen e emergjencës civile/ LSI apel Kryeministrit

Tahiri, renditej i fundit në listën shumëemërore të depozituar në 2017 në KQZ nga partia Demokratike për Qarkun e Korçës.

Ai ka dorëzuar në KQZ formularin e dekriminalizimit, që përbën edhe hapin që i çel rrugën marrjes së mandatit. Gjithashtu Kujtim Gjuzi dhe Indrit Hoxha pritet të marrin mandatet, pasi emrat e tyre përfshiheshin në listat e PD-së, përkatësisht për qarqet e Durrësit dhe Tiranës.