Enkelejd Alibeaj, ish-deputet i PD-së, tha se opozita nuk do të hyjë në zgjedhje, pa marrë garanci më parë se ky proces do të jetë i rregullt dhe i ndershëm.
I pranishëm në studion e News 24, Alibeaj tha se rruga që zgjidh krizën politike është krijimi i një qeveria tranzitore pa Edi Ramën Kryeministër. Ai tha se qytetarët shqiptarë janë të privuar për të zgjedhur lirshëm.
“E para ishte: krijimi i një qeveria tranzitore do të jetë instrumenti, që di t’i krijojë hapësirën dhe lirën tek qytetarët për të zgjedhur lirshëm.
Nuk është gjë tjetër, por kulmim i trajektores së opozitës së bashkuar, që zgjedhjet e 2017 janë ilegjitime.
Kjo qeveri iu jep shqiptarëve regjim ilegjitim dhe kjo e ka çuar vendin në këtë derexhe.
Kemi tani edhe kthimin e vizave. Demokracia dhe pushteti i së drejtës ka rënë. Zgjedhje, përfshirë këtu të drejtën e qytetarëve për të zgjedhur të lirë të spektrit politik nuk do të ketë.
Koalicioni opozitar sot është shumicë. Termi zgjedhje ka dy element: i pari është procesi: qytetari mbi 18 vjeç nëse do të zgjedhë do të duhet të jetë i lirë të zgjedh dhe mos të jetë nën tundimin e shit-blerjes së votës dhe së dyti të mos jetë nën frikën e kobures së krimit. Këto e bëjnë qytetarin shqiptar në masë të madhe, që nuk zgjedhin lirë.
Elementi i dytë është që votimi i qytetarit të jetë i lirë dhe të këtë mundësi që të zgjedhë ato subjekte që konkurrojnë. Sot qytetari i vendit nuk voton i lirë. Pas nesh nuk janë thjesht një grup deputetësh, por është një popull i tërë”, tha Alibeaj
Sipas tij, Këshilli Kombëtar i PD vendosi mosregjistrimin në zgjedhje, me përjashtim të rastit kur të jenë realizuar kushtet.
Kushti i kushteve është Edi Rama jo kryeministër, më pas vjen qeveria tranzitore, dhe së treti të gjithë ata që kanë dalë nga përgjimet, do të duhet të shkojnë pas hekurave.
Përballë sjelljes sonë gjetëm sjellje rrufjane të qeverisë që vodhi zgjedhjet në 2017. Hapi i parë është mospjesëmarrja në zgjedhje.
Ne do ti bëjmë thirrje që mos t’i pamundësojnë zgjedhjet. Përmes përshkallëzimeve së bashku me qytetarët nuk do të lejojmë mbajtjen e zgjedhjeve. Edi Rama është rrethuar jo vetëm këtu tek ne, por edhe jashtë laku i është ngushtuar”, tha Alibeaj.
