Bashkia e Matit në dorën e Ramës, Xhaçka zyrtarizon kandidatin që abuzoi me tenderin 640 milion lekësh

Është konfirmuar edhe kandidati i ardhshëm për bashkinë e Matit në radhët e Partisë Socialiste, ku burime për Boldnews bëjnë me dije se do të jetë Agron Malaj.

Olta Xhaçka në një mbledhje me kryetarët e Partisë Socialiste në Mat është shprehur se ajo dhe të gjithë mbështesin Agron Malajn si kandidat, por fjala e fundit i takon Ramës.

Malaj i cili është Drejtor i OSHEE është akuzuar se i ka dhënë tendër 640 milion lekë Safet Gjicit pa garë.

Në garë për këtë tendër ka qenë EuroGjici Security shpk dhe “NAZERI – 2000” (kompania që ju vodhën lekët në Rinas më 9 prill) e cila nuk ka paraqitur asnjë ofertë ekonomike.

Deklarata e PD:

Kryetari i PS Burrel njëkohësisht Drejtor i OSHEE për këte qytet jep tenderin e paracaktuar, pa garë, EuroGjici Security shpk, kompanisë de facto të Safet Gjicit.
Postet politike dhe postet e administrates janë njëhsuar në Burrel si edhe në gjithë Shqiperinë ku funksionaret e PS janë edhe drejtor të rëndesishëm. E gjitha kjo reflektohet edhe në tenderat dhe mënyrën e tyre të punës, ku i përzgjedhuri i rradhës për të marr tenderin pa garë, me oferten limit është ish-kandidati për deputet dhe eksponenti i PS Safet Gjici.

LEXO EDHE  Gara për Kryeprokuror/ KLP nën dyshime për favorizimin e Arta Markut

Drejtoria e OSHEE Burrel e drejtuar nga drejtori Agron Malaj, konkretisht ka kërkuar të blej për 2 vite shërbimin e ruatjtjes fizike, me 21 Janar 2019 , ka zhvilluar procedurën e prokurimit me objekt “Shërbim Sigurie për Ruajtjen fizike të ndërtesave dhe aseteve të Drejtorisë OSHEE sh.a, Burrel” me vlerë fondi limit të parashikuar 63 . 828 . 244 lekë ( rreth 640 milion lek).

Me datë 26 shkurt 2019 “Eurogjici-Security sh.p.k “ shpallet fituese e tenderit me një vlerë pranë kufirit limit prej 63,825,985 Lek , ku pjesëmarrëse fiktive është dhe kompania “NAZERI – 2000” e cila nuk ka paraqitur asnjë ofertë ekonomike.

Kjo është menyra sesi Rilindja menaxhon parate e shqiptarëve, duke i dhënë në duart e funksionareve të saj, të cilat pastaj i menaxhojnë edhe blerjen e votave gjatë fushatave elektorale.

Ky sistem i kalbur në cdo qelizë, rrëzohet dhe ndryshohet vetëm nga qytetaret. Te gjithë bashkë me 16 Mars! /Boldnews.al/