Ish-deputeti: Rama dhe Veliaj e urrejnë veriun, ja pse nuk i dëmshpërblejnë banorët e Bregut të Lumit

Ish-deputeti i PD-së Klevis Balliu, ishte i ftuar ditën e sotme në studion e lajmeve të SYRI.net. Balliu është shprehur se dy lotet e para të bulevardit të ri janë shpronësuar, por Edi Rama dhe Erion Veliaj lotin e 3-të nuk e shpronëson.

Sipas Balliut, kjo ndodh për shkak të dy arsyeve: E para është racizmi ndaj banorëve, e dyta është se buxheti është vjedhur.

‘Sot policia e shtetit është një grup partiak, politik që me urdhër të Edi Ramës godet e shkatërron pronat e qytetarëve.

LEXO EDHE  Vetingu i Denarit/ Biba, 3 apartamente, njëri dhuratë, fonde nga Soros, makina e miliona në banka

Projekti kalon edhe në këto shtëpia. Loti i parë dhe loti i dytë janë shpronësuar. Lotin e tretë qeveria vendosi të mos e shpronësojë.

Ka dy arsye mendoj: Arsyeja e parë është racizmi i Edi Ramës dhe kësaj qeverie ndaj veriut. Në këtë zonë janë të gjithë banorët nga veriu.

Arsyeja e dytë është fakti se buxheti i kësaj qeverie është vjedhur dhe tani nuk kanë para për të dëmshpërblyer’, tha ish-deputeti Klevis Balliu.