Nga Boldnews.al
Në protestën e opozitës së 13 prillit, nuk kishte si të mos linte gjurmë edhe Erion Veliaj. Duke dashur të bëhet “lajm”, Lali Eri publikoi një gjobë që dënonte PD-në me 20 mijë lekë të reja, pasi një protestues urinoi në derën e kryeministrisë. Ishte një gjest përdhosje jo e institucionit, sepse në çdo rast ajo është pronë publike, por e njeriut që sot drejton vendin, Edi Ramës.
Kryeministri dhe Lali Eri nëse do funksiononte “gjoba për urinim”, sot do të ishin me qindra milionë euro të dënuar. Kush është ndotja më e madhe, e një protestuesi që urinon në derën e kryeministrit (jo kryeministrisë), apo e dyshes Edi Rama-Erion Veliaj?
Që të dy kanë shpërfytëruar Tiranën dhe Shqipërinë. Shifrat flasin vetë, mjaton që të lexohen edhe atëherë kur mbërrijnë nga institucionet shtetërore. Për vitin 2018 janë dhënë nga Bashkia Tiranë 338 leje ndërtimi. Rritje të konsiderueshme ka pësuar edhe sipërfaqja e lejeve të ndërtimit miratuar për ndërtesa të reja në qytetin e Tiranës. Për vitin që lam pas janë dhënë leje ndërtimi me sipërfaqe prej 940 348 metër katror, ku vetëm në tremujorin e fundit janë dhënë 456.480 metër katror, sa trefishi i tremujorit të parë.
Një kryeqytet që vetëm në një vit shtohet me afër 1 milionë metër katrorë ndërtim… Padyshim që kjo pritet të rritet me shtimin e kullave, shkatërrimin e objekteve kulturore dhe rehabilitimin e ndërtesave të realizmit socialist.
Sot kryeqyteti është nën zotërimin e betoniereve, ndërtesave shumëkatëshe dhe në botën e dyshimtë të pastrimit të parave të drogës nëpërmjet lejeve të ndërtimit që jepVeliaj. Tirana është shkatërruar përfundimisht nga arkitektura e vjetër dhe në themelet e rrënojave të saj po ngrihet bota histerike e ndërtimeve pa kriter.
Zona më e preferuar e Tiranës, kryesisht qendra, është kthyer në nevojtore të madhe në duart e oligarkëve. Në çdo truall të lirë mbin një kullë, edhe në zonën historikë në Bulevardin Dëshmorët e Kombit “nevojat” mund t’i kryejë kushdo trafikant që pastron parët e krimit, në botën e lulëzuar të ndërtimit.
Këtë pjesë Lali Eri e sheh mirë, por edhe ai bashkë me oligarkinë që ka krijuar, urinon çdo ditë mbi Tiranë dhe qytetarët rrinë e shohin, të pafuqishëm për të reaguar dhe zenë “hundët” e veshët nga era e rëndë e smogut të betoniereve, zhurmave të prerësve të hekurave dhe klithjeve të fadromave që prishin shtëpi e ngrejnë pallate, kulla dhe vepra të tjera publike, pas së cilave fshihet një aferë.
Pasi e ka dh…. Tiranën, Lali Eri shfaqet në media si Zot i kryeqytetit dhe tenton ta lajë këtë mëkat me propagandën e mbjelljes së pemëve. Nëse sot qytetarët ankohen se jetojnë çdo ditë me frymë të bllokuar nga ndotja, mungesa e ajrit nga ndërtimet e shumta, e nësermja do jetë edhe më e rëndë. Në mandatin e dytë, nëse Lali Eri e fiton, atëherë do shtohen edhe më shumë nevojtoret, ku kanë të “drejtë” të uronojnë vetëm pushtetarë e aligarkë. Kushdo tjetër që tenton të afrohet, gjobitet rëndë…! Lali Eri është vigjilent me bllok në dorë, sapo shfaqet një “shurrtar” Erioni të pret gjobën.
