Edi Reja pritet të jetë trajneri i ri i Kombëtares shqiptare. Mediat italiane raportuan këtë të hënë se është arritur marrëveshja mes teknikut italian dhe FSHF-së.
Vendimtar duket se ka qenë takimi i fundjavës që sapo lamë pas, ndërmjet presidentit të FSHF-së, Armand Duka me ish-teknikun e Lazio-s, Napol-it dhe Atalanta-s.
Kreu i Federatës u ul sërish në diskutime me 73-vjeçarin, këtë herë në Bologna, aty ku duket se është arritur edhe akordi.
Sipas radio “Kis Kis” në Itali, mungojnë vetëm detajet e marrëveshjes, me Rejan që do të bëhet pasardhës i Christian Panucci në stolin kuqezi. Ndërkohë, pritet edhe zyrtarizimi nga Federata e Futbollit. /BN/
