Kryeministri nuk ka kursyer sulmet as ditën e sotme ndaj rektorit të Universitetit të Tiranës, professor Mynyr Konit, gjatë një takimi me studentët për “Programin Kombëtar të Praktikave të Punës”.
Rama tha se përgjegjësi kryesor për mungesën e aksesit të studentëve në “Bibliotekën Online”, është rektori Koni.
“Ky është kulmi, që të sigurohet biblioteka dixhitale për studentët dhe që UT që mos t’a përdori dot se nuk ka sistem teknologjik, që lejon përdorimin e bibliotekës dhe studentet të jenë të përjashtuar nga aksesi, për shkak se rektori dhe rektorati, kanë përgjegjësi.
Ky është kulmi. Unë nuk e di se çfarë duhet të ndodhë më tepër. Të gjithë punët e studentëve të mbahen me kopje në dorë sikur të jemi në kooperativën bujqësore dhe më e rënda është se në vend që t’i zgjidhi, rektori ankohet.
Ankohet se pse unë e sjell këtë temë në diskutim, por si t’ia bëjmë? T’a mbajmë këtë përgjegjësi edhe ne. Universiteti është autonom, po nuk është thjesht liri për të bërë tendera apo e drejtë për të bllokuar univesitetin për tendera, por është përgjegjësi.
Duhet një zgjidhje. Ne kemi propozuar që mos të ndërhyjmë, por realisht është problem. Kur thoja se unë do të mbetem protestuesi i fundit, ju atëherë qeshnit dhe më thoshit: shko njëherë plotëso 8 pikat.
Vlerësimin e titujve akademikë e bën universiteti. Asnjë hap, zero, pse? Sepse ai s’do të hapë një proces njësoj si ai i gjykatësve dhe prokurorëve dhe ka shumë nga ata që janë profesor që iu shfaqen si pedagogë, por në fakt janë sharlatanë dhe titujt i kanë pa asnjë lloj vlere dhe asnjë lloj baze.
Unë bënë doktorët e shkencave sikur të jenë shalqinj. Do durojmë e do durojmë, por edhe ne do të plasim në fund”, tha Rama.
