Rama nuk rikandidon Dakon për Bashkinë e Durrësit/ Ja çfarë ndodhi në takimin sekret…

Vizita e Kryeministrit Rama javën e kaluar në qytetin e Durrësit, në kuadër të turit “Për bashkinë që duam”, nuk nxori publikisht emra konkretë me të cilin Partia Socialiste do të garojë për Bashkinë e dytë më të madhe në vend. Por, burime për gazetën “Bulevard” bëjnë me dije se qëndrimi gati 48 orësh i Ramës në Durrës, ka vendosur disa pika mbi “i”: Vangjush Dako nuk do të rikandidojë më për postin e kreut të Bashkisë.

Në një takim të ngushtë të strukturave të Partisë Socialiste Durrës, Vangjush Dako i ka bërë të ditur të pranishmëve tërheqjen e tij nga gara për postin e kryetarit të Bashkisë së Durrësit. Mësohet se gjatë mbledhjes të ketë deklaruar se vendimi për tu tërhequr nga rikandidimi ka qenë i tij, pasi mendon se Bashkia ka nevojë për energji të reja.

“Objektivi ynë është që Partia Socialiste të dalë fitues në të treja Bashkitë e qarkut të Durrësit ku unë dhe gjithë strukturat e PS do të angazhohen për të drejtuar fushatën elektorale, pra në Durrës, Krujë dhe Shijak”, ka pohuar Dako gjatë takimit. Ndërkohë që ka mohuar se rikandidimi i tij vjen si pasojë e akuzave të opozitës për përfshirje në shit-blerje votash dhe dosjes së famshme 339, duke pohuar se: “Ato akuza më motivojnë më shumë që ti fitojmë të treja bashkitë e qarkut të Durrësit, pasi PS gëzon mbështjetje të gjerë nga populli”. Kërkoj nga ju dhe gjithë anëtarësia e Partisë Socialiste mobilizim maksimal për të fituar bindshëm dhe çuar më tej shërbimin ndaj qytetarëve dhe investimet për qytetin”.

LEXO EDHE  Ngjarje e rëndë/ Gjendet i vetëvarur një 58-vjeçar në Pogradec

Ende nuk ka një emër konkret me të cilin Partia Socialiste do të garojë për bashkinë e Durrësit, pavarësisht propozimve të deritanishme që i janë dërguar Kryeministrit Rama nga strukturat e PS Durrës. /Bulevard News/

PËRGJIGJU

Please enter your comment!
Please enter your name here