Mbyti gruan me litar, Gjykata e dënon me 35 vjet burg/ Dënohet edhe mjeku që…

Gjykata për Krime të Rënda dënoi me 35 vite burg të moshuarin Namik Velaj, të cilin e gjeti fajtor për vrasjen e bashkëshortes së tij, dy vite më parë.

Gjithashtu, fajtor u deklarua edhe mjeku Ilir Tanku, për “Shpërdorim detyre” dhe u dënua me 2 vite burg, por gjykata pezulloi dënimin dhe do të shlyhet me 4 vite shërbim prove.

Sipas prokurorisë, Velaj ka vrarë bashkëshorten e tij në banesën e tyre, duke i bllokuar rrugët e frymëmarrjes, ndërsa krimi është zbuluar një vit pas ngjarjes.

Prokuroria e Krimeve të Rënda kishte kërkuar burg përjetë për Namik Velajn, i cili mbyti me litar bashkëshorten e tij.

Ndërkohë për Ilir Tankun i cili punonte si mjek i qendrës shëndetësore të qytetit, prokuroria kërkoi 3 vjet burg. Gjithashtu u kërkua dhe  2 vjet heqje të së drejtës për të ushtruar profesionin e tij.

LEXO EDHE  Aksident në Elbasan, disa të lënduar

Vrasja ndodhi në janar të 2017-ës, por 67-vjeçari u arrestua në mars të 2018. Vdekja e Verke Velaj, u raportua si natyrale dhe ky version u konfirmua edhe nga mjeku Ilir Tanki, i cili më pas u mor si i pandehur për akuzën e shpërdorit të detyrës.

Sipas prokurorisë, kanë qenë familjarët e viktimës që kanë dyshuar për vdekjen e të ndjerës dhe kanë bërë denoncim në polici. Pas 1 viti hetime, rezultoi se Namik Velaj, e kishte mbytur bashkëshorten dhe rreth qafës, kishte vendosur një shall për të fshehur shenjat e mbytjes.