Kreu demokrat Lulzim Basha e ka nisur turin e takimeve në qarkun e Shkodrës nga Malësia e Madhe.
Disa dhjetra qytetarë kanë pritur kreun demokrat, duke shoqëruar udhëtimin e tij drejt Koplikut.
Basha zhvillon sot takime në Qarkun e Shkodrës, vetëm pak ditë pasi në kryeqendrën e veriut u ekzekutuan dy vëllezër.
Ngjarja e rëndë u pasua me ndryshimin e kreut lokal të policisë, ndërsa është komanduar Niko Brahimaj si drejtori i Policisë së Qarkut.
Ndërkohë, Kryetarja e Bashkisë në Shkodër Voltana Ademi, në një prononcim për mediat ka komentuar ngjarjet e fundit kriminale.
Ademi bën thirrje që organet përkatëse të parandalojnë vrasjet, pasi ngjarje të tilla i bëjnë qytetarët më të pasigurtë.
Përmes një lidhje telefonike me televizionin “FaxNews”, Voltana Ademi tha se ka qenë bashkëpunuese me policinë, por ngjarje të tilla nuk duhet të mbyllen vetëm me shkarkimin e një drejtori.
