Izmira Ulqinaku, ish-deputete e PD-së, ka reaguar lidhur me ngjarjet kriminale në Shkodër, ndërsa shprehet se pushteti i krimit po mbjell terror dhe pasiguri për qytetarët.
Sipas Ulqinakut, një gjendje e tillë nuk ka qenë as në vitin 1997.
“Shkodrën, Edi Rama dhe Rilindja e ka kthyer në parcelë eksperimentale të krimit.
Mllef dhe urrejtje politike po shfryn pa reshtur Edi Rama mbi qytetin tonë të dashur. Të thuash e ka shndërruar në Palermo është pak!Krimi dhe Rilindja janë bërë binom i pandarë në Shkodër.
Në këto vite në Shkodër të thuash ka shtet është njëlloj si të thuash ka ujë në shkretetirë.
Për qytetin është i rëndë bilanci në 8 muaj, 11 të vrarë dhe dy të humbur dhe asgjë nuk është zbuluar”, shkruan Ulqinaku.
Postimi i Izmira Ulqinakut
Në Shkodrën e artit e të kulturës krimi është ai që dominon gjithçka.
Pushteti i krimit po mbjell terror dhe pasiguria ka pushtuar jetën e qytetit dhe qytetareve.
As në 1997 nuk ka qenë kjo gjendje e kjo ndjesi frike.
Shkodrën, Edi Rama dhe Rilindja e ka kthyer në parcelë eksperimentale të krimit.
Mllef dhe urrejtje politike po shfryn pa reshtur Edi Rama mbi qytetin tonë të dashur. Të thuash e ka shndërruar në Palermo është pak!Krimi dhe Rilindja janë bërë binom i pandarë në Shkodër.
Në këto vite në Shkodër të thuash ka shtet është njëlloj si të thuash ka ujë në shkretetirë.
Për qytetin është i rëndë bilanci në 8 muaj, 11 të vrarë dhe dy të humbur dhe asgjë nuk është zbuluar.
Shkodra që ka eksportuar art e kulture nuk mund të pranojë që Rilindja dhe Edi Rama ta imponojë të eksportojë kriminalitet. Shkodra të perbuz ty Edi Rama.
Djepi i kulturës shqiptare të ka refuzuar dhe te refuzon ty dhe Rilindjen tende.
Rama ik!
