Ministri i Brendshëm ka udhëtuar drejt Shkodrës, pak orë pasi qyteti u trondit nga vrasja e dyfishtë në orët e paradites.
Vëllezërit Astrit dhe Brahim Bilali u ekzekutuan pranë shtëpisë, ndërsa nga raportimet autorët ishin të maskuar.
Policia në qytetin verilindor ka kërkuar ndihmën e qytetarëve për marrjen e informacioneve që do të çonin në zbulimin e autorëve të ngjarjes së rëndë.
Ndërkohë pritet që Çubardhi i Ramës të zhvillojë një mbledhje me drejtues të Policisë së Shtetit, ku zakonisht pas ngjarjeve të tilla, ministri kërkon llogari dhe jep udhëzime.
Të njëjtën gjë Sandër Lleshaj bëri edhe para disa muajsh, kur mbante detyrën e zv.ministrit të Brendshëm, kur vizitoi Shkodrën dhe kërkoi zbardhjen e ngjarjeve të bujshme.
Tashmë pasi kanë kaluar të paktën 6 muaj nga ky takim, Lleshaj ka shkuar sërisht në Shkodër me një bilanc të rënduar viktimash dhe pa zbuluar asnjë nga ngjarjet e mëparshme.
