Kreu demokrat Lulzim Basha i ka cilësuar qytetarë të lirë pjesëmarrësit në protestën e opozitës.
Në mbyllje të protestës së zhvilluar nga opozita, Basha u është drejtuar me një fjalë përshëndetëse qytetarëve, duke theksuar se me pjesëmarrjen e tyre bënë që të dëgjohet thirrja e shqiptarëve “Rama ik”.
“Orët e kësaj bande që kanë marrë peng vendin po numërohen mbrapsht nga bashkimi i jashtëzakonshëm i shqiptarëve.
Kush nuk e ka dëgjuar le ta dëgjojë, kush nuk e ka kuptuar le ta kuptojë mirë e qartë se zgjedhje me Edi Ramën, nuk do të ketë.
Pakt me Maduron e Ballkanit nuk do të ketë.
Kjo qëndresë ka nisur për t’i kthyer qeverisjen çdo shqiptari dhe nuk do të ndalet derisa të bëhet realitet.
Askush në këtë protestë, në këtë kryengritje popullore nuk është këtu për karrige apo pushtet, aq më tepër për pazare.
Jemi për ti dhënë fund pazareve në kurriz të qytetarëve, të demokracisë, të lirë. E vetmja gjë që ka mbetur është pazari i gjësë së gjallë, një kopje e shëmtuar e pazarit të Milotit”, tha Basha.
Sipas tij, të gjithë i kemi një borxh të madh Shqipërisë, t’a çlirojmë nga të këqijat që e kanë marrë peng këtë vend gjatë 30 viteve.
“Nuk ka forcë mbi tokë që t’ju tradhëtoj juve, të tradhëtojë këtë lëvizje me standarde europiane, se do të bëhet realitet verdikti juaj për ta bërë Shqipërinë si gjithë Europa”, tha Basha.
Në vijim ai shprehu mirënjohje për gazetarët dhe kërkoi ndjesë pë rata që u bënë milionerë në pushtetin e PD-së duke shfrytëzuar djersën dhe mundin e demokratëve dhe shqiptarëve.
“Ora e së vërtetës po afron, askush nuk do t’i harrojë ata që sot poi shërbejnë klikës së Edi Ramës. Shqiptarë të ndershëm, bashkojuni për të ardhmen e Shqipërisë”, tha Basha.
