Sekretari i Përgjithshëm i PD-së, Gazment Bardhi, i është përgjigjur përmes rrjeteve sociale, Kryeministrit Edi Rama, lidhur me reagimin e këtij të fundit ndaj bojatisjes së godinës së Ministrisë së Brendshme.
Bardhi shkruan se Rama e ka nxirë Shqipërinë duke e kthyer në bazë operacionale të krimit të organizuar rajonal.
“Njollat e zeza sot mbi Ministrinë e Brendshme nga qytetarët ishin: 1 për Saimir Tahirin – kampionin e narkoshtetit në Ministrinë e Brendshme; 1 për Fatmir Xhafajn – kampionin e përdorimit të Policisë së Shtetit për të mbrojtur vëllain trafikant droge; 1 për Llesh Kimikun – kampionin e servilizimit, paaftësisë dhe korrupsionit!”, shkruan Bardhi.
Postimi i Gazment Bardhit
Shqipërinë e ka nxirë Edi Rama duke e kthyer në këto 6 vite në “bazë operacionale të krimit të organizuar rajonal”, “pikë kyçe të shpërndarjes së heroinës në gjithë Europën” dhe “vend kryesor të pastrimit të parave në botë”.
Njollat e zeza sot mbi Ministrinë e Brendshme nga qytetarët ishin: 1 për Saimir Tahirin – kampionin e narkoshtetit në Ministrinë e Brendshme; 1 për Fatmir Xhafajn – kampionin e përdorimit të Policisë së Shtetit për të mbrojtur vëllain trafikant droge; 1 për Llesh Kimikun – kampionin e servilizimit, paaftësisë dhe korrupsionit!
Tik….tak….tik….tak
