Këshilla për Ramën/ Ulu me këmbë në tokë, vendi s’bëhet me batuta…

Ulu me këmbë në tokë se vendi nuk bëhet me ironi dhe me batuta.

Është kjo këshilla që kryebashkiakja e Shkodrës, Voltana Ademi, ka zgjedhur t’i japë kryeministrit Edi Rama, një ditë pas Kongresit elektoral të PS-së.

Rama gjatë fjalës së mbajtur në kongres me eufori tha se në zgjedhjet e 30 qershorit, PS do të fitojë 61 bashki, madje këtë e lidhi me punën e madhe që është bërë në njësitë vendore që drejtohen nga socialistët.

Në këtë kuadër, Rama ftoi Shkodrën të shikonte Vlorën dhe anasjelltas, për të kuptuar ndryshimin e madh mes Rilindjes dhe përfaqësuesve të opozitës.

LEXO EDHE  "Rama përgjegjës për 21 janarin 2011"/ Ish-deputeti i PS: Boll me teatër, të veprojë drejtësia

Por Ademi në një reagim shprehet se s’dua ta besoj kurrësesi që jemi si Vlora ku njerëzit vetëm zhduken.

“Me batuta nuk bëhet vendi. Ka bërë krahasime mes Vlorës e Shkodrës, s’dua ta besoj kurrësesi që jemi si Vlora ku njerëzit vetëm zhduken. Nuk kemi parë as ndryshim as vëmendje nga ai. Njerëzit i dinë investimet këtu, në fund të fundit vendi nuk bëhet me batura e ironi, kryeministri duhet të ulet më këmbë në tokë”, tha ajo.

PËRGJIGJU

Please enter your comment!
Please enter your name here