Shkëlzen Berisha, djali i ish-kryeministrit Sali Berisha, u shpreh mbrëmjen e sotme se ka ngritur padinë në SHBA, pasi për motivet e tyre, gazetari dhe Diveroli, kanë shkruar gjëra që nuk qëndrojnë lidhur me tragjedinë e Gërdecit dhe historinë që lidhet me këtë.
Në emisionin “Të Paekspozuarit”, Berisha tha se autori i librit nuk ka pasqyruar të vërtetën dhe asnjëherë nuk më është përgjigjur për pretendimet e mia.
Shkëlzen Berisha iu drejtua gjykatës në SHBA me një padi ndaj Efraim Diverolit dhe dy punonjësve te tjere të AEY, Alexander Podrizki, David Packouz por dhe ndaj Guy Lawson dhe botuesit e librit të “Armet dhe Cunat”, i cili më pas u shndërrua dhe ne film me titullin “Qente e Luftës”.
Berisha ka sqaruar se Lawson, në ndryshim nga një pjesë e medias në Shqipëri, përpiqet të bashkojë këto dy histori, duke u përpjekur që ta bëjë sa më interesante historinë e tij, duke lidhur AEY me Gërdecin.
