Disa qindra qytetarë i janë bashkuar protestës së banorëve të Unazës së Re, ndërsa më parë ishte paralajmëruar se policia do të ndërhynte për shpërndarjen e saj.
Në mbështetje të protestës së sotme kanë shkuar edhe ish-deputetët e opozitës, të cilët i kanë drejtuar një apel qytetarëve që t’i bashkohen protestës së të enjtes para Kuvendit të Shqipërisë.
Banorët e Unazës së Re i kanë vënë zjarrin disa pankartave që kanë pasur portretin e Edi Ramës, duke shprehur kështu të gjithë mllefin që kanë ndaj një kryeministri që kërkon t’i shembë banesat.
“Sot e shikoni që jeni shumë më shumë, sepse qytetarët e Tiranës i janë afruar kauzës së tyre sepse ata besojnë se është një kauzë e drejtë që ka të bëjë më pronën që është gjëja më e shtrenjtë që ka një individ.
Sot ka një paradoks. Sandër Lleshaj urdhëron të dhunojë banorët, ndërkohë që ata që u kapën me presh në dorë, Edi Rama, Gjiknuri, Qendro, janë të lirë dhe nuk kanë asnjë presion, kurse Edi Rama fut në burg banorët që janë të varfër.
Ndaj kauza juaj është e drejtë ndaj jeni të shumtë të numër. Kjo tregon që banorët e Unazës janë në të drejtën e tyre, Ne nuk mund të qëndrojmë më në një parlament të kriminalizuar”, tha Brahimllari.
