ILD, KED afat deri më 20 mars për konkurentët/ Ja kandidatët e deritanishëm

Këshilli i Emërimeve në Drejtësi ka përcaktuar si afat të fundit datën 20 mars për konkurrentët që synojnë postin e Inspektorit të Lartë të Drejtësisë.

Ndërkohë deri më sot kanë shprehur interesim për garën vetëm 6 konkurentë.

Për në ILD janë aplikuar: Marsida Xhaferrllari, për të cilën Komisioni i Pavarur i Kualifikimit nuk dha asnjë vendim nëse duhej të shkarkohej apo konfirmohej në detyrë, por u shpreh me një vendim neutral, duke hequr dorë nga gjykimi.

Gjithashtu edhe anëtari i Gjykatës Administrative, Artur Malaj, për të cilin është apeluar vendimi pranë Kolegjit të Posaçëm të Apelimit, pavarësisht se KPK-ja e konfirmoi në detyrë, si dhe zonja Lefterie Lleshi.

LEXO EDHE  Kriza nga Covid-19 në Shqipëri/ Qytetarët marrin para borxh për të shlyer borxhet

Ndërkohë që ditën e nesërme pritet që KED të publikojë kandidaturat e plota.

ILD duhej të kishte nisur nga puna në qershor të vitit 2017 dhe diçka e tillë nuk është bërë ende e mundur.

Nëse do të funksiononte ILD-ja, do të ishte shqyrtuar ankesa ndaj 3 gjyqtarëve që hoqën vendimin e burgimit të përjetshëm për Dritan Dajtin, apo ankesat e opozitës për prokurorin e Përgjithshëm të Përkohshëm, zonjën Arta Marku.



PËRGJIGJU

Please enter your comment!
Please enter your name here