Kryeministri Edi Rama ka uruar shqiptarët për Ditën e Verës.
I pranishëm në një vizite në Skampa, e me pas në panairin dita e verës 2019, që mbahet në këtë ditë në Elbasan, ndërkohë që në Tiranë, me vendim të kreut të bashkisë, ceremonitë festive u shtynë për ditën e diel, Rama nuk e ka kursyer ironinë.
“Lala feston në datën 14, Luli në 16, kurse Lali në 17”, ka ironizuar Rama, duke përcjellë më pas edhe urimet.
“Dita e Verës është një ditë e veçantë. Ju uroj te gjitheve gezuar Ditën e Verës”, ka thënë Rama.
Pogrami i Ditës së Verës në Elbasan
– Vazhdon “Panairi tregtar” dhe “Panairi i librit”.
Ora 09.00 – Ekspozitë e Drejtorisë së Përgjithshme të Arkivave,
nga porta e Kalase, deri tek “1 Maj”
Ora 09.30 – Fillon cirkuidi i çiklizmit. Me të mbaruar, vendosen dhe fillojnë demonstrimet e tyre ekipet e Klubit Shumësportësh, përgjatë bulevardit “ Aqif Pasha”.
Ora 09.30-10.30 – Parakalimi i Karnavaleve të shkollave 9-vjeçare e, njëkohësisht, nis dhe demonstrimi i veprimtarive të shumëllojta sportive.
– Demonstrim i veprimtarive sportive përgjatë shëtitores, nga “Sheshi Gensher” e deri te “Elbasan arena”, sipas vendeve të paracaktuara. Do jenë këto lloje sporti: Karate (para “Reiffisen bank”), cirk (para Monumentit te Kostandin Kristoforidhit), demonstrime boksi, hendboll (para “Elbasan Arena”).
Ora 10.30-12.00
Vazhdon:Koncerti i Datës 14 Mars në Sheshin ”Gensher” (Performojne: Qendra Kulturore e Femijëve, Shkolla Artistike Onufri dhe banda Frymore e Qytetit).
Gëzuar për mot e jetë Ditën e Verës, 14 Marsin, Festën më të lashtë shqiptare, rrënjët e së cilës, më mirë se kudo, janë të ruajtura në ELBASAN!!!
