Artistët kundër qeverisë/ Teatri nuk është mbrojtja e një godine, por rënia e demokracisë

Kryeopozitari Lulzim Basha është bërë sot pjesë e një dëgjese me artistë, regjizorë dhe aktorë në mbrojte të interesave të artit dhe teatrit në vecanti.
Artistët kanë shprehur jo vetëm kërkesat e tyre ndaj qeverisë por edhe kanë kritikuar politikën e zhvilluar deri më tani e cila ka qenë krejtësisht jashtë cdo interesi artistik. Duke mos bërë përjashtimin e saj tek arti por duke e ftuar politikën të bashkëpunojë me artistët, regjizori Robert Budini dhe aktori Neritan Licaj kanë lëshuar kritika të forta për qeverinë aktuale.

‘Si intelektual jam i interesuar ku njerëzit të shprehen dhe të ndërtojnë një sistem që e gjejnë veten. DO të doja që kjo bisedë të ishte në kuadrin e një diskutimi të lirshëm dhe pa frikë apo paragjykime. Politika nuk është vetëm e politikanëve por edhe e artistëve, edhe e qytetarëve dhe e gjithë popullit,’ është shprehur regjizori Budini.

‘Në Europë duhet të hyjmë si shqiptarë jo si politikanë; këtë e bën vetëm arti, shkenca dhe sporit. Vetëm me qytetarë të vëmemdshëm do të mund të zgjidhim problemet tona. Artin e bëjnë artistët dhe jo politika, por politika dhe qeveritë duhet të ndryshojnë qasjen kundrejt artit dhe artistëve sepse arti është kuq e zi dhe jo me ngjyra partiake. E si mund ta bëjmë këtë? Përmes ligjeve të mira, pasi në Shqipëri ka problematika ligjore që pengojnë zhvillimin e artit. Ka mungesa infrastrukture dhe mungesë financimesh. Në Shqipëri nuk ka status artisti. Një artis i mirë është një opozitar shumë i mirë dhe kjo ndihmon demokracinë,’ është shprehur aktori Neritan Licaj.

PËRGJIGJU

Please enter your comment!
Please enter your name here