Takimi me studentë/ Basha: U treguat dinjitozë, Rama ju quajti shpellarë dhe…

Në vijim të takimeve të zhvilluara në Korçë, kreu demokrat Lulzim Basha, pati një bashkëbisedim me studentë, të rinj dhe të reja, nga ku deklaroi se Partia Demokratike do t’I qëndrojë në krah brezit të ri.

Basha akuzoi Kryeministrin Rama dhe qeverinë e tij, se punon kundër interesave të studentëve dhe rinisë shqiptare, ndërsa shtoi se për fatin e keq kjo ka bërë që gjërat të ecin në kahun e gabuar.

“Detyra e PD është që të shtrojë rrugën për të ardhmen e këtij brezi të mrekullueshëm. Nuk kemi inferioritet me moshatarët euriopianë, por jemi në inferioritet në raport me qeverinë.

Edi Rama akoma bën sikur është zot i fateve tona, por nuk është ashtu.

Protesta juaj nuk ka qenë dështim. Beteja e 16 marsit është një betejë për ndryshim. Ndryshimi është i pashmangshëm”, tha Basha.

LEXO EDHE  ‘P*tanë, të shqyej në dysh’/ Vajza sherr me dashnoren e babit! Ja çfarë bën Ardit Gjebrea (Video)

Një prej të rinjve, në bashkëbisedim me Bashën, u shpreh se ajo që kërkon rinia është që të qëndrojë këtu, jo të largohet drejt vendeve të tjera.

Ai pohoi se është i detyruar të punojë në arat e fshatit dhe duart e tij janë mbuluar nga kallot, por u shpreh, se askush nuk do mundet dot ta diskriminojë.

“Ne nga kjo qeveri paguajmë një haraç më shumë. Ai na quajti shpellarë. Sot kam ardhur me kallo në duar nga puna e fshati, nuk mund të më diskriminojë as Edi Rama dhe as Donald Trump. Ëndrrat tona janë e ardhmja jonë. Ne nuk kemi kusur që të vuajmë jashtë shteti dhe ne të ardhmen duam ta kemi këtu”, tha një gjimnazist.