Dhuna ndaj mjekëve, QSUT: Raste të përsëritura, policia të veprojë…

Qendra Spitalore Universitare “Nënë Tereza” reagoi sot kundër dhunës ndaj bluzave të bardha.

QSUT përmes një deklarate thekson për fat të keq, rastet e ushtrimi të dhunës ndaj mjekëve nuk janë të izoluara, por të përsëritura.

Në 24 orët e fundit, dy mjekë, njëri në Lezhë dhe tjetri në QSUT janë dhunuar.

Njoftimi i plotë:

Drejtoria e Qendrës Spitalore Universitare “Nënë Tereza”, dënon rëndë aktin e dhunës së ushtruar nga një person i papërgjegjshëm, kundrejt mjekes specializante të Klinikës së parë të Kirurgjisë V. Z, gjatë ushtrimit të detyrës në Urgjencën Kirurgjikale.

Një person i dehur, i papërgjegjshëm, i afërm i një pacienteje e cila po merrte shërbim mjekësor, ka dhunuar mjeken dhe më pas është konfliktuar edhe me forcat e rendit, të cilët ushtrojnë detyrën e tyre në shërbimin e Urgjencës Kirurgjikale.

LEXO EDHE  Manipulimi i bursave të NATO-s, a ka dijeni ministrja e Mbrojtjes, Olta Xhaçka?

Fatkeqësisht ky nuk është një rast i izoluar por është rast i përsëritur, që mjekë dhe infermierë të spitalit tonë dhunohen në krye të detyrës.

Drejtoria e QSUT edhe një herë dënon aktin e dhunës të ushtruar ditën e djeshme ndaj personelit mjekësor dhe u bën thirrje organeve kompetente të zbardhin ngjarjen dhe autorët të marrin dënimin e merituar.

Një apel të fortë i bëjmë opinionit publik, të mirëkuptojnë dhe përkrahin bluzat e bardha gjatë punës së tyre, të cilët pavarësisht situatave të krijuara, në asnjë rast nuk neglizhojnë misionin human, atë të dhënies së ndihmës së parë dhe shpëtimin e jetëve njerëzore.



PËRGJIGJU

Please enter your comment!
Please enter your name here