Një çift shqiptar ka shpëtuar për mrekulli në një aksident rrugor teksa ishin nisur për në maternitet. Gruaja kishte ndier dhimbje dhe për këtë u nisën me urgjencë.
Pas një nate tmerri dhe kur tregojnë se panë vërtetë vdekjen me sy, ata tashmë shtrëngojnë në krah vajzën e sapolindur, Bra.
Vajza e vogël erdhi në jetë një natë më parë, pak pasi prindërit u përplasën në një aksident të frikshëm.
Dorisa Hyka dhe Aldo Troklini po udhëtonin për në maternitet, por në një moment makina e tyre një Opel Meriva u përplas me një Dacia.
“Unë pashë tmerr, ishte lemeri”, tregon nëna e re vetëm 22 vjecare, që tashmë mban në krahë të bijën.
Sipas saj, mendimi i parë pas përplasjes ishte e bija.
