Kryetarja e Lëvizjes Socialiste për Integrim, Monika Kryemadhi e ftuar në Ora Neës, tha se brenda dy orësh u mblodhën mbi 10 mijë vet në shesh për të protestuar.
“Sot pashë në shesh, komunistë. Pashë nipin e Nexhmie Xhuglinit, Saimir Xhuglinin. Pashë njerëz nga më të ndryshëm. Është atdhedashuria. Njerëzit u ngritën mbi ideologjinë politike dhe sot kanë vetëm një ideologji, atdhedashuria. Sot njerëzit nuk kanë më krizë besimi. Për dy orë, sot erdhën 10 mijë veta në shesh. Kjo nuk është krizë besimi.
Është shpresë. Shikoje Luan Ramën me Sali Berishën. Shikoje të pasurin dhe të varfrin, mësuesin me nxënësin. Edhe pse kishin frikë se mund t’i filmonin kamerat dhe i hiqnin nga puna. Ne po themi vota e lirë sot ty të garanton krijimin e sistemit”, tha Kryemadhi.
Ajo tha më tej se negociatat me këtë qeveri nuk mund të hapen.
“Nuk ka hapje negociatash pa ndarjen e politikës nga krimi. Kush do e ndajë nga krimi? Edi Rama me Avdylajt? Me çfarë e kërcënon Saimir Tahiri Edi Ramën pas 3 javësh se tani është nëpër Shqipëri.
Me çfarë e kërcënon Vangjush Dako Edi Ramën? Pse e shkarkoi Fatmir Xhafajn?
Pse i kaloi vettingun Donika Prelës? Të gjitha këto të çojnë në një pikë që negociata me këta nuk ka. Ke deklaratën e Ministrisë së Jashtme gjermane”, shtoi ajo. /OraNews/
