Mandatet e LSI nuk mund të bëheshin fasadë e një qeverie që ka grabitur votat apo fasadë e atyre deputetëve që kanë blerë mandatet ose me paratë e drogës, ose kanë vënë armën në kokën e fëmijëve për t’i marrë.
Kështu u shpreh kryetarja e LSI-së, Monika Kryemadhi, sipas të cilës, llumi që përdori Edi Rama do t’i kthehet mbrapsht.
“Falenderoj deputetët e LSI-së, të cilët pa hezitimin më të vogël iu përgjigjën kërkesës sime për të dorëzuar mandatet. Ky grup parlamentar është krenaria ime, vlerat morale dhe integriteti njerëzor, si dhe dashuria për vendin e tyre, është më e rëndësishme se mandati i deputetit.
Ne jemi të përgatitur për çdo skenar të mundshëm që përgatitet nga grupi kriminal Rilindja.
Njerëzit e LSI do të intimidohen nga Rilindja.
Dikujt do ti trokasë policia në shtëpi, dikujt do t’I shkojë fletëthirrja nga prokuroria, dikujt do t’I shkohet me para, dikujt do ti vendoset lëndë eksplozive, por ne nuk do të na ndalin dot.
Rama ka mbetur i vetëm, është xhelati i shqiptarëve dhe është njeriu që i ka shkaktuar më shumë vuajtje se çdokush tjetër shqiptarëve. Ky njeri i ka dhënë shqiptarëve vetëm një rrugë, të largohen nga Shqipëria.
Nga dita e nesërme kryetarët e LSI-së, në bashkëpunim me drejtuesit e PD-së dhe partive të tjera aleate, do të ngrenë grupet e punës për përgatitjen e protestave sipas zonave që mbulojnë. Nuk do të jetë protesta politike, por protesta të qytetarëve”, tha Kryemadhi.
Sipas saj, djegia e mandateve të opozitës i ktheu një fije shprese shqiptarëve që ky vend do të bëhet.
