Gjykata e Tiranës ka dhënë masat e sigurisë për të arrestuarit pas protestës së 16 shkurtit. Gjykata ka vendosur masën e sigurisë “arrest me burg” për ish-kreun e policisë bashkiake të Tiranës, Florenc Hoxha, edhe pse nga avokati Ivi Kaso, u deklarua fallsifikimi i proccesverbalit të arrestimit të tij.
Hoxha ishte një ndër 16 të arrestuarit nga policia e Tiranës, lidhur me akuzën e përdorimit të dhunës, shkatërrimit të pronës publike dhe kundërshtimit të forcave të policisë.
Gjithashtu për Resul Dacin u vendos masa e sigurisë arrest me burg. Për Ilir Hamedanin, Agim Peposhin, Ferit Dankshi dhe Sajmir Rexhepin, gjykata la në fuqi kërkesën e prokurorisë për arrest me burg.
Ndërkohë për 4 nga të arrestuarit gjykata vendosi arrest shtëpie. Emanuel Nallbani, Edjon Dine, David Linati, Ndue Tuci, Velion Tuci, Andon Nasigjini, Festim Taku dhe Naim Haxhiun do të qëndrojnë në arrest shtëpie.
Për Suzana Dimushi, Luftar Jakupi, Pellumb Shelna dhe Mitat Fieraku, gjykata vendosi masën detyrim paraqitje. (vijon)
