Kryetari i PD-së, Lulzim Basha, deklaroi se çdo politikan që ka vjedhur votat duhet të shkojë në burg.
“Vangjush Dako, Damian Gjiknuri, Taulant Balla dhe kushdo tjetër që ka vjedhur votat me Habilajt dhe Shullazët, duhet të shkojnë në burg”, u shpreh Basha, pas një takimi me kryetarin e Këshillit Kombëtar të PD-së, Bujar Nishani.
Sipas tij, me djegien e mandateve nga opozita, Parlamenti është kthyer në fasadë.
“Të gjithë ata që e çuan vendin në këtë situatë duhet të përballen me drejtësinë. Qeveria duhet të përballet me drejtësinë. Vangjush Dako, Damian Gjiknuri duhet të shkojnë në burg.
Taulant Balla duhet të shkojë në burg përndryshe s’ka më zgjedhje të lira. Në burg të con drejtësia por jo ajo e kapura nga Rama.
Hapi i parë është dorëheqja e Ramës. Nuk këmi asnjë negociatë me qeverinë Rama. Mos u merrni me cingla mingla, por merruni me lajmin që sapo ju dhashë.”
Basha e cilësoi lëvizjen e opozitës për djegien e mandateve si më pro europiane dhe integrimit të Shqipërisë në BE.
“Nuk ka asnjë lëvizje më pro Europës sesa kjo që ka ndërmarrë opozita sot”, theksoi kreu demokrat
