Ka pasur sërisht tensione pranë Kryeministrisë, ndërsa nga Garda e Republikës, po vijohet të hidhet gazlotsjellës me qëllim shpërndarjen e protestuesve.
Gazilotsjellës ka krijuar problem për protestues, gazetarë dhe policë, ndërsa edhe deputetët dhe kreu i opozitës, Lulzim Basha, në jo pak raste kanë ndjerë pasojat e përdorimit nga gazi.
Ajo që po vihet re është fakti se Garda e Republikës apo trupat speciale të policisë po përdorin pa kursim gazin lotsjellës, që duket se po krijon problem të rënda te qytetarët.
Policia gjithashtu me megafon ka apeluar për shmangien e akteve të dhunshme, duke paralajmëruar proçedime sipas ligjit.
“Të nderuar qytetarë ndërprisni aktet e dhunës, policia do të zbatojë ligjin. Ju bëjmë thirrje të distancoheni nga dhuna, do të zbatojmë ligjin”, ishte thirrja e policisë, ndërsa pak minuta më parë u sulmuan me gaz lotsjellës protestuesit.
